តើបារី មានផ្ទុកសារធាតុពុលអ្វីខ្លះទើបអាចសម្លាប់មនុស្សបាន?

0

ជារៀងរាល់ថ្ងៃជនជាតិអាមេរិកជាង ៣.២០០នាក់ មានអាយុក្រោម ១៨ឆ្នាំ បានជក់បារី ហើយភាគច្រើននៃពួកគេមិនដឹងថា បារីមានផ្ទុកសារធាតុគីមីគួរឲ្យខ្លាចប៉ុណ្ណានោះទេ។ ទម្លាប់នៃការជក់បារីអាចប្រឈមនឹងជំងឺបេះដូង ដាច់សរសៃឈាមខួរក្បាល ទឹកនោមផ្អែម សួត និងប្រភេទជំងឺមហារីកមួយចំនួនទៀត។

ក្នុងមួយឆ្នាំៗ ផ្សែងបារី អាចសម្លាប់មនុស្សប្រមាណជា ៤៨០.០០០នាក់ សហរដ្ឋអាមេរិក។ ជាមធ្យមបារីមានផ្ទុកធាតុផ្សំ ៦០០ ប្រភេទផ្សេងៗគ្នា ហើយសារធាតុគីមីមានដល់ទៅ ៧.០០០ ដែលត្រូវបានផលិតដោយផ្សែងបារី។ ធាតុផ្សំ និងសារធាតុគីមីទាំងនេះ ធ្វើឲ្យមានការភ្ញាក់ផ្អើលយ៉ាងខ្លាំងដល់អ្នកឈប់ជក់បារី និងអ្នកកំពុងតែជក់ទាំងអស់។

ក្រុមអ្នកជំនាញបានបង្ហាញថា អ្វីដែលស្មុគស្មាញ ហើយគួរឲ្យបារម្ភបំផុតនោះ គឺនៅពេលដែលសារធាតុគីមីទាំងនេះត្រូវបានឆេះ វានឹងបង្កើតទៅជាសារធាតុគីមីផ្សេងទៀតដែលធ្វើឲ្យប៉ះពាល់ដល់សុខភាពធ្ងន់ធ្ងរ។

បារីមួយចំនួនមានធាតុផ្សំ និងសារធាតុគីមីដែលបង្កគ្រោះថ្នាក់ដូចជា កាបូនម៉ូណូស៊ីតដែលត្រូវបានគេរកឃើញនៅក្នុងផ្សែងរថយន្ត និងជាតិនីកូទីនដែលត្រូវបានគេរកឃើញនៅក្នុងថ្នាំសម្លាប់សត្វល្អិត។ លើសពីនេះមានសារធាតុគីមីប្រមាណជា ៧០ប្រភេទ និងធាតុផ្សំផ្សេងទៀតនៅក្នុងផ្សែងបារី អាចបង្កឲ្យអ្នកជក់កើតជំងឺមហារីក។

អ្នកជំនាញបានបន្ថែមទៀតថា ផ្សែងបារីអាចប៉ះពាល់ដល់លំហូរនៃអូកស៊ីសែននៅក្នុងរាងកាយ។ ដំបូងកាបូនម៉ូណូស៊ីត ចាប់ផ្តើមវាយលុកទៅលើម៉ូលេគុលអេម៉ូក្លូប៊ី ធ្វើឲ្យការដឹកជញ្ជូនអុកស៊ីសែនតាមរយ:កោសិកាឈាមក្រហម ត្រូវបានរាំងស្ទះ។ បន្ទាប់មកទៀតសារធាតុគីមី cyanide បានរារាំងដល់ការទទួលយកជាលិកា និងប្រើប្រាស់អុកស៊ីសែន។ នេះជាជាមូលហេតុដែលបណ្តោលឲ្យជាលិកាមិនអាចដំណើរបាន និងលំហូរនៃអុកស៊ីសែនគ្មានស្ថិរភាព។

យោងតាមសមាគមន៍អាមរិក បានបង្ហាញថា ផ្សែងបារី អាចធ្វើឲ្យមនុស្សយ៉ាងហោចណាស់ ៣០% បានស្លាប់ទាក់ទងទៅនឹងកើតជំងឺមហារីក។ ក្នុងនោះ ៨៧% ជាបុរស បានស្លាប់ដោយសារជំងឺមហារីកសួត និងមនុស្សស្រី ៧០%។ បច្ចុប្បន្ននេះមានមនុស្សជាង ១៦លាននាក់ជាជនជាតិអាមេរិក បានទទួលរងជំងឺដែលបង្កឡើងដោយសារតែផ្សែងបារី។ ប្រសិនបើពុំមានវិធានការទប់ស្កាត់យុវវ័យក្រោមអាយុ១៨ឆ្នាំ នៅអាមេរិក នឹងមានការជក់បារីកើនឡើងប្រហែលជា ៥,៤លាននាក់ អាចត្រូវស្លាប់មុនអាយុដោយសារតែជំងឺទាក់ទងទៅនឹងការជក់បារី៕

SHARE
Loading...

LEAVE A REPLY

Please enter your comment!
Please enter your name here